නිමේෂ්ගේ ඩිජිටල් සටහන

Source:https://youtu.be/862r3XS2YB0

ගියපාර බීච් පාටියට එන්න හිටියාට කුණු මරාලයක් කඩාගෙන වැටීම නිසා  එන්න උනේ නැත,මේ පාර සිහින උළෙලේ සද්දේ ඇහෙද්දීම මේකටවත් එන බව සිතා ප්ලෑන් බර ගානක් සෑදුවේ ය.දවස් ගණනක් කට්ට කෑමෙන් පසු 20 උදා විය,කලින් දවසත් පට්ට බිසී ය,රෑ පටියකට ගිහින් ඇවිත් ටුවිටරයේ වාද බයිලා කියලා නිදා ගනිද්දී පාන්දර දෙක විතර වෙලා ය,කොහොම හරි 6 ට විතර අම්මා මාව නැගිට්ටුවේ ය,බස් එකේ එන්නට සිතා පාරට බැස්ස විට එළුවා නොහොත් නිලුෂාන් බයික් එකේ යමු යයි කිවේය,අනේ ඉතින් මම මු එනකම් පැය බාගයක් අවුවේ කර උනේ ය.අන්තිමට මු ඉස්කුටියක් උස්සන් ඒම නිසා 8.45 වෙද්දී බුද්දදාස ග්‍රවුන්ඩ් එක ලගට එන්න පුළුවන් විය,ගේට්ටුව ලගටම එද්දී සෙට් උනේ දේවක අයියා ය,මු දැක්ක ගමන් කිවුවේ උබව බුකියෙන් දකිද්දී පොඩි එකෙක් කියල හිතුවට උබ දෙකේ හතරේ එකෙක්නෙ කියලාය.මාත් පොඩි පනාවක් දා බැනර් එකේ පුටෝවක් අරන් ඇතුලට ගියෙමි,
                                    
යද්දී රෙජිස්ටර් කරන තැන සරම් ඇදගත්තු ගොඩේ ටයිප් පොෂ් ඩයල් ටිකක් සිටියේ ය.උන් එක්ක කතා කරන්නට කලින් ටෝකන් එක ගත්තේ නැත්තම් දවල් කෑමට බඩු පැකට් වෙන නිසාය.ටෝකන් එකට සල්ලි දෙද්දී සසිදුවා උබේ සයිස් එක මොකද්ද ඇසිය,මට නිකම් මෙවුවා මෙවුවා විය,යකෝ,එවුවා තැන තැන කියන ඒවාද?අහ උබට එක්ස්ට්‍රා ලාජ් වෙන්න ඇති කියල මොකක්දෝ අතේ තිබ්බේ ය.අම්මට හුඩු ටි ෂර්ට් එකක් ය.සයිස් එක ඇහුවේ මේකටය,කවුද දන්නේ එහෙම එකක්,ටි ෂර්ට් එකනම් පට්ටය,මමත් එළුවාත් පටස් ගා ටීෂර්ට් එකට බැස්සේ ය.ඔක්කොම හොදය,ටි ෂර්ට් එක කළු නිසා දාඩියනම් අම්බානෙට ය,කමක් නැත,නිකම් දුන්න ෂර්ට් එකේ දත් ගනින්නේ මොකටද? ෂර්ට් මාරු කරගන්න යද්දී සුලැගිල්ලාව හම්බ විය,මම හිතාගෙන හිටියාට වඩා ඌ කටු ගොඩක් ය., එතනම තරිදු දනන්ජයත් විය,උන් එක්ක කතා කර ටික වෙලාවකින් ෂර්ට් මාරු කරගෙන පැත්තක වැඩි උනේ මු ය,මම උදේ පටන් ගත්තු ලයිව් අප්ඩේට් කරන සින් එකටත් පොස්ට් එක දෙතුන් පාරක් එඩිට් කලේ ය.ටික වෙලාවකින් රජා,තරියා සහ තව දෙතුන් දෙනෙක් සෙට් විය,මගේ නමම තියෙන ඔටුවෙකුත් එතනට ආවේ ය.මුදියා සහ අසංක යන නිවුන්නු දෙන්නා එකට සිට පුටෝ දෙක තුනකුත් වැදුනේ ය.හම්බ අතවරයට ලක් වූ සුදු මහත්තයා ද සැට් විය,පලවෙනියට සහබාගි උන ගෙට්ටුව නිසා මෙවුවා මෙවුවා වගේ ය,හැම එකාම මාව දන්නේ නිමේෂ් නිශාර නොව ඉදිමාගෙදර කිව්වාට පසු ය,

                       කනාමුට්ටි එල්ලන තැන සිට මම කැමරාවට වද දීම පටන් ගත්තේය,මුන් ටික මුට්ටි උස්සන් යන්නේ ය.මම පුටෝ ගන්නේ ය.



9ට පටන් ගන්න තිබ්බ වැඩේ පටන් ගත්තේ 10ට ය.කොහොම හරි මීටර 100 පිරිමි එකනම් නියමය,සරම් ඇදපු පොෂ් ගොඩයන්ගේ සරම් කරේ ය.එකෙක්නම් කිව්වේ විට් ad එකක් කියලා ය,

බනිස් කෑමේ තරගයත් හෙනම ආතල් ය.බනිස් කෑවාද කට්ටිය පත්තර කෑවා ද මංදාය.

බනිස් දැකලා හිත මෙවුවා විය,බඩ ගුරු ගුරු ගාන්නට විය,මම,සුද්දා,ඔරිජිනල් චකබ්ලාස්ට්,එළුවා ඇතුළු සැට් එකම කන්නට ගියේ එනිසා ය,කන තැනදී කවුදෝ මන්දා cdma ෆෝන් එකකින් කෝල් ගන්නේ ය,පැපරාසි ෆොටෝවක් වැදුනේ නම් නැත,
                                  
කාලා එද්දී පොඩි කබර පැටියෙක් විය,එතන ඉදපු කවුදෝ එකෙක් සුද්දාට අන්න කිඹුල් හුනෙක් කිවේ ය,අනේ මේ ගොන් වස්සා ඇත්තම කියලා හිතලා කබරයාව අල්ලන්නේ ය,කබරයා මුට බාවෙන් නෙළුවේ නම් පට්ට වෙන්නේ ය,යකෝ සුද්දා ගමේ කොල්ලෙක් ලු නේ? මූ වගේ ගන් කබරයෙක් , කබරෙයෙක්ට කිඹුල් හුනෙක් කියලා රැවටෙද්දී විලි ලැජ්ජය.

 කනා මුට්ටි බිඳිද්දී රට කොජා එක පොල්ලෙන් මුට්ටි දෙකක්ම බින්දේ ය/හෝ එහෙම පෙනුනේ ය.ඊට පස්සේ තිබ්බ තරඟ බලන්නට මම හිටියේ නැත,ඒ අලුතෙන් ෆිට් ඌ උන් එක්ක කතා කරන්නට ඕනා නිසාය.අපි උඩ තට්ටුවේ සිට සිහිනයාට තොන්ඩුවක් නම් දැම්මේ නැත, තව කුප්ප වැඩනම් නැති වෙන්නම කෙරුනේ ය,පවනියා සහ සුද්දා වොශ්රුම් එකේ ඉදන් නටපු නාඩගම් ද කැමරා ගත විය,

බලන් ගියාම සුද්දා ලගින් කෙල්ලෙක් තියලා යන එක ගැන බය වනවාට වඩා කොල්ලෙක් තියලා යන එක ගැන බය ය.අනේ මන්දා ය.
අපි සැට් එක ගස්ලබු ගෙඩියේ ඇට ගෙස් කරන්න වැඩේ වන තැනට යද්දී බෙනා සැට් විය,හපෝ,ගස්ලබු ගෙඩිය අමුම අමු කලටි එකක් ය,හෙලෙව්වට වතුරත් නැත,කිව්වානම් මම තැඹිලි ගහකට නැගලා ගස්ලබු ගෙඩියක් කඩලා දෙනවා ය ඒ මදිවට ගෙඩියේ ඇට ගාන කියන්න රුපියල් දහයක් ගන්නේ ය,මම සසිදුවාට රුපියල් දහයක් දුන්නම මූ ඉතුරු දහය දුන්නෙත් නැත, -_- ගෙඩියේ ඇට කියලා ඉවර වෙලා කොට්ට පොර තිබ්බ පැත්තට ගියේ මු ය,කොට්ට පොර කිවුවට මුන් ගහන්නේ කතා වෙලාද කොහෙද ය,ඉස්කුබියා බිම වැටි කකුල මෙවුවා කරගත්තේ ය,හා පැටියා ඌව පැත්තකට ඇදගෙන ගියත් නැවතත් බලු නාම්බා ගේමට එන්ටර් විය,උගේ ඇගේ ඉදපු මැක්කෝ ගැන මට දුක ය.මුගේ කුඩා ශරීරයට යට වී උන් සුවසේ ජිවත් වනවා විය හැක :3 මාරයා අයියත් එක්කත් එතැනදී කතා කරන්නට ලැබුනේ ය.මාරයා අයියත් හිතාගෙන ඉදලා තියෙන්නේ මම බොහොම පොඩි එකෙක් කියලා ය,මම දැවැන්ත එකෙක් බව දැක මාරයාත් පුදුම විය.
             කොට්ටපොර පිටියේදී කතන්දරකාරයා විසිටින් කාඩ් වගයක් බෙදුවේ ය,ක.කා මෙච්චර තරුණයි කියලා මට හිතුනේ දැක්කාම ය.ඇත්තටම බොහොම සුන්දර මනුස්සයෙක් ය,

දවල් කෑම එකයි වතුර බෝතලයයි අරන් අපි සෙට් එක පැත්තකට වී සංවරව වළඳා ඉවර කළෙමු ය.ඊට පස්සේ ක.කා ඔහු විසින් රචිත පොත් බෙදා දුන්නේ ය.මටත් පොතක් ලැබුනේ ය,ඇත්තටම එයනම් වටිනා පොතක් ය :D
   ලයිව් අප්ඩේට් කරන්න කියා ආවත් ෆෝන් එකට කෙල උනේ ය,ෆෝන් එකයි කැමරාවයි එකට තෙරපි ටච් එකේ උඩ කොටසක් ඉවරය,අයියෝ මගේ අහිංසක ඇපල් මෙවුවා එක.

සංගීත තොප්පි තරගෙට යන්තම් රිංගා ගතිමි,මට එහා පැත්තේ සිටියේ අයිෂ් අක්කාය,DJ අයියා(JD අයියා නොවේ ) අයිෂ් අක්කා එක්ක ජම්මාන්ත වයිරයක් තියෙන එකෙක් ලු ය,ඌ සින්දුව නවත්තන්නේ අයිශ්ව කපන්නම ලු ය,අනේ ඔය වයිරෙන් කෙල උනේ එහා පැත්තේ සිටි මට ය,
එතනින් පස්සේ කඹ අදිනවා බලන්නට ගියෙමි,රජාලගේ කණ්ඩායම අනිත් ටීම් දෙකටම පරාද ය,ඒක නම් ඉතිහාසගතවන පරාජයක් ය.

මාළුපාන් සහ කිරිපකට් සංග්‍රහයෙන් පස්සේ අටමාගේ සුදු පාට දත් ඇන්ද සහිත දුර්ලබ පුටෝවක් ගන්නට හැකි විය,

චන්දන අයියා වැද්දාට ඇද අපට පට්ට ආතල් එකක් දුන්නේ ය,බනියා රසවත් හාවෙක් කියා තව ටිකෙන් උට ඊ තලෙන් විදිනවා ය.

පවනියා මල් පැණි බි තිබු ප්‍රමාණය වැඩි නිසා චන්දන අයියාගේ ඇගේ එල්ලුනේ ය,කට්ටිය කැමරා රේඩි කරගත්තේ අවලන් සින් එකක් යයි කියලා විය හැක,අනේ මේ පවනියා " තාත්තේ කුක්කු ඕනේ" කියා හඩන්නට විය,යකෝ මූ තාත්තාගෙන් කුක්කු ඉල්ලන්නේ,මාර එකෙක් ය,තව ටිකෙන් චන්දන අයියා උට කුක්කු පොවනවා ය.

මට ඇතුළු තව කීප දෙනෙක්ට මරණ තර්ජන එල්ල කල ශම්මියා ආවේ හවස ය,මට බෝම්බයක් ගහනවා කිව්වට ගහපු බෝම්බයක් නැත,කට විතරය,ලාවට පාරක් ගහන්නට හදද්දී මම ලිස්සා යාම නිසා බේරුනෙමි,එහෙත් බෙල්ලෙන් අල්ල සෙලවීමට තරම් කාලයක් ශම්මියාට ලැබුනේ ය,හොද වෙලාවට බෙල්ලෙන් අල්ලන් ඉන්න එවුවා කැමරා වල නැත, :D

හවස ජන ගී කියද්දී ගයේෂා(ඔවු ඔවු එයා තමා) සපැමිණියේ ය,මානවකයටනම් එතකොට උන් හිටි තැන අමතක උනාද කොහේ ද ය.මූ හිටු කියලා වැඩ කිඩ දාන්නේ ය.ඒ අස්සේ කවුදෝ මන්දා (උෂාන් අයියා විය යුතුය) ප්‍රසිද්දියේ ඕනයාට හවස එන්නද කියා කවියෙන්ම ඇසුවේ ය.ගයේෂා අක්කත් එතන ය.යකෝ ලජ්ජා බයට හදුන ගෑනු ළමයි ඉස්සරහ ඔවුවත් කියනවාද?ඕනයාත් ඕලෙවල් කාලේ නවත්තපු වැඩේ ආපහු කරන්නට උෂානයාට කොළ සිග්නල් එක දුන්නේ ය,අනේ මන්දා ය.ජන ගී තරගේ නෙරන්ජි අක්කයි අමායා අක්කයි ඇඬේන්න කවි දෙකක් කිව්වා ය.සිහිනයා අංගම්මන කියන්නට ගොස් අනාගත්තාද මන්දා ය,මංජුල අයියත් මාළු බාන්නට ගොස් ඕනයාගෙන් අහගත්තේය.
තව කවුදෝ බාග ගෑනු කෙනෙක් වගේ ඇදගෙන විකට ඇදුම් තරගේ ෆන් එකක් දුන්නේ ය,

කඩී පුක මෙවුව උන එකෙකුත්(ඔවු උෂාන් තමා) ආතල් කෝටියක් දුන්නේ ය,අසහාය ගායක අමිල නිදහසටත් තව ටිකෙන් මොකද්ද කරනවා ය,චන්දන අයියා නොහොත් වැද්දා කඩිපුක අතගා එය පෙන්වා දීමෙන් වැඩේ නතර විය,හම්මේ,හිනා කාලා මැරෙනවා ය,

අවුරුදු කුමාරයා තරගේ දී රුවනා තව පොඩ්ඩෙන් දෙනෝ දාහක් මැද්දේ ශම්මියගෙන් ගුටි කන්නේ ය.පස්සේ මු පැත්තකට අඩ ගහලා දෙකක් ශම්මියා නෙලුවාද මන්දා ය. සිහිනයා වම කකුලෙන් දකුණු කන කසා වැඩ පෙන්විය,පවනියා කොළඹ සිට ඕක්ලන්ඩ් වලට දුර ටක්කෙටම කිවා ය."ෆෝන් කෝල් එකක් ගත්තම දුර හුවයි" ලොලේ ලොල් ය,මගේ ලේන්සුව අරන් මු අර අටමාගේ ජොක්කු හිල් උන මැජික් එක පෙන්විය,ලේන්සුවේ සුට්ටන් හිලක් තිබුනා වගේ ය,
එතනින් පස්සේ අපි මාරු උනෙමු ය,වැස්සක් එන්න වගේ අහස කළු කර තිබුනේ ය,අපි අතුරුගිරියේ නිසාත්,ගොඩක් දුර යා යුතු නිසාත්,බයික් එකක ආපු නිසාත් 6.30ට විතර මාරු උනෙමු,
වැඩේනම් එලම කිරි ය,අඩුවක් දැනුනේ නැත,ඕෂනික් ගේම්ස් ආයතනයට තැන්කු වේවා ය,අද ඉදන් මමත් මහපොළ ලොතරැයි ගන්නට ඕනේ ය,
ලහිරු හිමේෂ්,කැලුම් විජේවර්ධන,යසන්ත හේන්යකා,උදිත් ඉෂාර ඇතුළු අම්බානෙක සෙට් එකක් දැන හඳුනා ගන්නට ලැබුනේ ය,සමහරුන්ට මාව හදුනාගත නොහැකි විය,ඇත්තටම මම ෆේස්බුක් එකේ පොඩියට හිටියට හෙන ලොකු ඩයල් එකක් ය,අනිත් කේස් එක කට්ටිය මගේ කීබෝඩ් එක ගැන ඇසීම ය,ලැබුන ප්‍රතිචාර වලට තැන්කු ය.එහෙනම් දෙසැම්බර් සෙට් වෙමු ය. :D
බුකියේ පුටෝ ඇල්බමයට මෙතනින් යා හැකිය. ඊයේ සෙට් උන අයනම් සුපිරිම හොද බුවාලා ය :)

 

අහිමි වූ ඔබට ලියමි....
          



    ඔයා හිතනව ඇති ඉන්න තැනක ඉදන් අපිට මොකද මේ උනේ කියල.ඔයා නොදන්න කරුනුත් එක්ක මම කතාව ලියල එවන්නම් ඔයාට....
         ඔයා දැක්ක දවසේ ඉදන් මම ආදරේ කලේ,එක ඔයා හොදටම දන්නව.මම යාලුවො එක්ක ඔයා ගැන කොච්චර දේවල් නම් කියවන්න ඇද්ද?එ දවස් වල මගෙ කටේම තිබ්බේ ඔයා ගැන.පංති ගියත්,මනෝ ගහද්දිත් කල්පනා කලේ වෙන කවුරුවත් ගැන නෙමේ ඔයා ගැන.. ඒ තරම් ඔයා මගේ ඔලුවේ පැලපදියම් වෙලා හිටියෙ ඇයි කියන්න මගෙ හිත තාම හේතුව දන්නේ නෑ.
          කොහොමහරි ඔයාව මගේම කරගන්න කොච්චර කට්ටක් කෑවද?ඒක දන්නේ මමම විතරයි.නොකා නොබී ඉදලම මම ලෙඩත් උනා.ඔයා ඒවා දන්නේ නෑ.ඒත් ඉතිං ආදරේටනේ,නේද බබා,
    ඔයා ගැන මම අම්මට කිව්ව දවස මට අද වගේ මතකයි.අම්ම ගේ ප්‍රතිචාරය උනේ "මුලින් ඉගෙනගෙන ඉදපන්" කියල.තාත්ත කිව්වේ "අඩු ගානේ ඔලෙවල් වත් පාස් වෙයන්,දැන්ම උබට ඕවා ඔනේ නෑ" කියල.එදානම් මට ගොඩාක් දුක හිතුන මැනික.කවදාවත් ඔයා මගේ කරගන්න බැරි වෙයි කියල හිතුනා.ඉවසන දනා ලග එකෙක්වත් නැතත් ඉස්සර උන එකා ලග ඉහටත් උඩින් කියනවනේ. ඉතින් මම කෑම කන එක නැවැත්තුවා.දවසින් දවස මාව කෙට්ටු උනා.මම විදින දුක බලන් ඉදල බැරිම තැන අම්මල හා කිව්වා.එතකොට ඕලෙවල් ඉවර කලා විතරයි.මතක් වෙද්දිත් ඇග හිරි වැටෙනව.

      මතකද ඔයා මගේම උන දවස? එදා රෑ මට නින්දක් නෑ.අරව කරනව මේව කරනව ඉවරයක් නෑ,ඔයත් ඔහේ බලන් ඉන්නව ඔයාට නෙමේ වගේ.එදා තරම් සතුටු උන දවසක් ජීවිතෙ වෙන නැතුවත් ඇති.එදා ඉදන් කොහේ ගියත් ඔයාගේ අතින් අල්ලන් ගියේ,තනියම නොගිය තැනක් නැති තරම්,ක්ලාස් යද්දිත් අතින් අල්ලන් ගියේ,බස් එකේ යදදිත් එහෙමයි,බීච් යද්දිත් එහෙමයි,පාක් එකේදිත් වැඩි වෙනසක් නෑ.කොටින්ම මට දැන් ගෙදරින් එලියට බහින්න හිතෙන්නෙත් නැති තරම් ඔයා නැතුව,ඔයාට මගේ ළඟින් හෙලවෙන්නවත් දුන්නේ නෑ.එ අතීතේ මතක් වෙද්දිත් කදුලු උනනව ඇස් දෙකට.
         මතකද සුදූ අපිට අහලපහල උන් කිව්ව කැත කතා."වයසටද වැඩ","ඔකා මොනව කරනවද දන්නෑ.පොඩි කමට නෙමේ මුන්ගෙ වැඩ". වැඩියම මෙහෙම කිව්වේ වයසක උදවිය.අටලෝ දහම ගැන හිතල මම හිත හදාගත්තේ ඔයා නිසා.නැත්තන් මම දනී උන්ට කියන කතා,
         ඔහොම යද්දි අපිට කනකොකා හඩන්න ගත්ත හැටි මතක් වෙද්දි පපුවත් එක්ක රිදෙනවා බබා.එදා ක්ලාස් ගිහින් එද්දි වැටුන අනෝරා වැස්ස මුරුගසන් වර්ෂාවක් කියලමයි මට හිතුනේ,ඒ වැස්සෙ ඔයාගේ අතින් අල්ලන් එකට ආපු හැටි මතකයි නේද ඔයාට?අනේ එදා ගෙට ගොඩ උන ගමන් ඔයා හයියෙන් කහින්න ගත්ත.බැරිම තැන මම ඔයාගෙ පිටට තට්ටුවක් දැම්ම.එත් අඩු නොවුන තැන ඔයාගේ ඇදුම් එක එක ගැලෙව්ව.ඔයාට ලැජ්ජත් හිතුනද මන්දා.ඊට පස්සේ වේලිච්ච තුවාතකින් ඔයාව හොදට පිහදැම්මා.ඔයා හිටියෙ බොහොම ලෙඩ පාටට.දැක්කම පපූව හෝස් ගාල යනව.එදා රෑ වෙද්දී ඔයාට ටිකක් සනීප උනා.එදත් රෑ වෙනකම් එක එක එව්ව කර කර ඉදල නිදාගත්තා අපි මතකද.
    එදායින් පස්සෙ නිතරම ඔයා ලෙඩ වෙන්න ගත්තා.ඩොක්ටර්ස්ලට පෙන්නල යන්තම් බේර ගත්තෙ,එයාල කිව්වේ වතුර ඔයාට ගොඩක් අගුණයි,මේක ඔයාගේ පාරම්පරික ලෙඩක් කියල.ඔයාගේ මූන බලන් මම කොහොම එහෙම හිතන්නද?ඔයා දීප්තිමත් ව හිනාවෙද්දි කාටද එහෙම හිතෙන්නේ?කොටින් ම ඒ කාලේ යාලුවො මට කිව්වේ උබ මාර ලකී කියල.ඒ ඔයා නිසා.
             ඔයා මට අහිමි උන දවස මම මතක් කරන්නත් ආසම නැති දවස.එදා ටිකක් අදුරැ දවසක්.පුරැදු විදියට ක්ලාස් ගිහින් අපි දෙන්නම අත් අල්ලන් ආවේ,පාරෙ බලු බල්ලෙක් නෑ,තනිකරම පාලු පාරක්.පාරේ වංගුවකින් හැරෙද්දීම ආවේ මහා වේගෙකින් කරුම ටිපර් ලොරියක්,ලගට එනකන්ම රියදුරා මාවවත් මම ලොරියවත් දැක්කේ නෑ.සද්දෙ ඇහුනෙ නැත්තේ අපි අපේම ලෝකෙක ඉදපු නිසා වෙන්න ඇති, කොහොම හරි වේගෙන් ආපූ ලොරිය ඔයාව අල්ලන් ඉදපු අතෙ වැදුන.ටකස් ගාල සද්දයක් එක්ක මගේ අත කැඩුන.එත් මම බැලුවේ ඔයා ඉන්නවද කියල.මට කෑගැහුන. ඔයා ලොරි රෝදෙකටම අහු වෙලා චප්ප වෙලා.ඔයා ජීවතුන් අතර නෑ කියල මට තේරුනා.අර ලොරිකාරය අපිට උදව් කරන්නවත් නවත්තන්නේ නැතුව යන්න ගියා.මම බිම වැටිල හිටියෙ,ඔයාගේ පණ නැති මළකඳ තිබ්බ තැනට මම බඩගාගෙන වගේ ගියා.
     අයියෝ,මේ මාත් එක්ක මහ රෑ වෙනකම් ඇහැරගෙන හිටපු ඔයාද කියල අදුර ගන්න බැරි ගානට ඔයා විරෑපී වෙලා,පාක් එකේ,බීච් එකේ අත් අල්ලන් ගිය ඔයාට මොකද උනේ,බස් එකේ යද්දී ආඩම්බරෙන් මාත් එක්ක ගි ය ඔයා ට මේ මොකද උනේ? පාරේ යද්දී කොල්ලො හැරී හැරී බලපු ඔයා ට මොකක්ද දෙයියනේ මේ උනේ? ඔයාගේ සුන්බුන් තද කරල නොකැඩුනු අතින් මිරික ගනිද්දී ඔයාගේ ඉතුරැ වෙලා තිබ්බ වීදුරැ කටු වලට අත පසාරැ වෙනව දැනෙද්දිම මට සිහිය නැති උනා....
                                                                                                                                                                                                                                                                           මීට..
                                                                   පණටත් වඩා ජංගම දුරකතනයට ආදරය කරන මම

                        අද මම මගේ කොපි කිරීමේ හිස්ට්‍රිය කල්පනා කරලා බැලුවෙමි ,බ්ලොගේට කාලෙකින් විකාර ලේබලෙන් පොස්ට් එකක් දැම්මේ නැති බැවින් කොපි කිරීම මැයෙන් පොස්ට් එකක් දාන්න සිතුනේ ය.කොපි කිරීම කිව්වට හුදෙක් ෆන් එක උදෙසා කරපුවා ය.හෙන සීරියස් අලි පත බුවාලා,බුවීලා ටැබ් එක ක්ලෝස් කලාට කමක් නැත්තේ ය,මොකද සමහරු කොපි කලාමත් ගැබ් ගන්නවා කියා සිතන නිසා ය,ෆේස්බුක් වලට ෆොටෝ දෙකක් දැම්මම "වේසි" කියල බනින රටක මේවා අරුමයක් නෙමේ ය.
                                            
                    මම පොඩි කාලේ හෙන වැඩ්ඩාලු ය,පන්තියේ ටීච වැඩක් දෙන පරක්කුවට කරන්නේ ය,ඉතින් මන්තුමා කොපි කලේ නෑලු පොඩි කාලේ,එත් ඉතින් වටේ හිටපු ඈයො නම් කොපි කළා ය.මට ඉතින් මල වදේ ය. නිකම් ලග ඉන්න එකා කටු අනිනවා වගේ ය,කටුත් ඇන්නා ය,ඒත් ඒවා වෙනම කතා ය,අපි ඒ කාලේ හෙන සුටි ය,
   දවසක් ටීච රචනාවක ලියන්නට දුන්නා ය.රචනා කිව්වොත් ඉස්සරම මං තුමාට කන්න බොන්නවත් ඕනේ නැත,බඩවැල වගේ දිගට ලියවෙන්නේ ය,එත් මේ සින් එකේදිනම් වාක්‍ය හයක මෙව්වා එකක් ය."තමන් ගෙ නංගි හෝ මල්ලි ගැන වාක්‍ය හයක රචනාවක් ලියන්න".මාතෘකාව තිබ්බේ ඔහොම ය.ඒ වෙද්දී මට නංගි කෙනෙක් සිටියා ය,මම ඒකා ගැන ලිව්වේමි. මට එහාපැත්තෙ බුවාට මොකෙක්වත් හිටියේ නැත,ඌ කසින් ද මොකෙද්ද වෙන (නෑදෑ වෙන) මල්ලි බුවෙක් ගැන කෙබ්බයක් ලියන්නට විය,ඌ ටත් හෙන රජ මගුල් ය.මගේ පොස්ට් එක උස්සලා උගේ වගේ ලියන්නේ ය.
                                                             
                            මම මුලින්ම ලිව්ව වාක්‍ය  ලිව්වේ "මගේ නංගි මට මල ඇනයක් වී ඇත" කියලා ය.මු එක උගේ කරගෙන "මගේ මල්ලි මට මල ඇනයක් වී ඇත" නෙදකින් ය.ඌ ලියනකම් ඉද එය ඩිලීට් කලෙමි,ගෙදර ආ විට අම්ම දැක්කොත් කන් අඩි වලට බඩු බනිස් ය,ඒ කාලේ කොයින්ද හෙඩ් ෆෝන් අම්ම බනිද්දි කනේ ගහගන්න ? මම ඒක ඩිලීට් කලේ ය.මූ ද ඒක ඩිලීට් කලේ ය.ඕන කෙහෙම්මලක් කරගන්න කියා මම මගේ විදියට රචනාව ලිව්වෙමි,පොත පෙන්නන්න යන අතර මගදී වාක්‍යක් වෙනස් කලාට එය නොගිනිය හැකි ය,ටීචර් ට පන්තියේ හැම එකාම එකිම පොත් දුන්නා ය.දැන් අපි පුල් පන් එකේ කෝප්පයක් හොදමින් ආතල් එකේ හිටියෙමු, "නිමේෂ් මෙහෙට එන්න " ටීච කිව්වා ය.මොකා? ඒ කවුද? හෑ ඒ මමනේ. :o මොන සේද්දක්ද කියා සිතමින් මම ඉස්සරහට ගියේ මි, "තරිදුත් එන්න" හරි ය.බඩු පැකට් වී පැකට් විකිණී සුද්ද ලාබේද ලැබී ඇත.අරුත් ආවේ ය, පන්තිය මියාට පිඹ මියා පැනල ගියා වගේ කටවල් අරන් බලන් ඉන්නේ ය.ලැජ්ජාව කන් දෙකෙන් බේරෙන්නේ ය. " දැන් තරිදු නිමේශ්ගෙන් කොපි කලාද නිමේෂ් තරිදුගෙන් කොපි කලාද?" ටීච ඇසුවා ය.මම කොපි කලේ නැතැයි කීවෙමි, අර ගස් ගොබිලත් නැහැ කිවේ ය.දැන් නිකම් හතර බිරි කතාවේ මොඩර්න් වර්ෂන් එක වගේ ය,වැඩේ කියන්නේ තුන් බිරි කතාව ලෙස මාරු විය යුතු වීම ය.
      "දැන් ඔයා ලිව්වේ නංගි ගැනද මල්ලි ගැනද?" ටීචර් මගෙන් ඇසුවාය.මම නංගි ගැන කිව්වෙමි, අර කොපියාට ද ඒ ප්‍රශ්නයම යොමු විය, ඌ කිව්වේ මල්ලි ගැන කියා ය.දැන් අපි මෙතන උන කුණු සිද්දිය මොකක්දැයි කල්පනා කරන්නට වී මු,
     "නිමේෂ් අන්තිමට ලියල තියෙන්නේ ඈ බාල වියේ පසු වෙන්නීය කියල,තරිඳු ලියල තියෙන්නෙත් ඈ බාල වියේ පසු වෙන්නීය කියලයි.තරිදු ලිව්වේ මල්ලි ගැන නේ " අනේ අරකා ලැජ්ජාව පොතෙන් වහගෙන ගොස් වාඩි විය.දවස් දෙකක් විතර යනකම් මාත් එක්ක කතා කලෙත් නැද්ද කොහෙද ය.
                            එවන් සුචරිතවත් මා හට හත වසර වන විට සිදු වූ යෙ කුමක්දැයි අදටත් අබිරහසක් ය.නවය වසර වන විට ඕනෑම වාර විබාගෙකදී පොත අතේ තියාගෙන ලිවීමේ හැකියාවක් මට තිබුනේ ය.ඒවා වැඩක් නැත.හොදම කොපි කිරීමේ ක්‍රම කරා එළඹෙන්නේ උ.පෙ කාලයේදී ය.
                                                  
              පලවෙනි වාරේ නම් ඔහේ ලියා දැමුවෙමි,වැඩි විශේෂයක් නැත,කොපි කළෙම නැති තරම් ය,
දෙවන වාරයේ සිට අපි නව තාක්ෂණික ක්‍රම වලට යොමු උනේ ය,එතැන් සිට හැම වාරෙකම පේපර්ස් බුකියට අප්ලෝඩ් විය,ඒ සිහිවටන වශයෙන් ය ;)
මේ තියෙන්නේ එහෙම දාපු කීපයක් ය,නිදිමත නැති කරගන්න පට්ටම වැඩේ ය.
පලවෙනි එක 
දෙවෙනි එක
තුන් වැනි එක
 මේ ඇති ය,ඒවා බලද්දී දැන්නම් පට්ටම හිනා ය,

ඒ දවස් වල නොදන්න ඒවාට උත්තර පොත් වලින් හෙව්වේ නැත,කෙලින්ම ගුගල් සර්ච් කරන්නේ ය.විකිපීඩියා අයියා එලට උත්තර ටික දෙන්නේ ය.අපිට තියෙන්නේ ලියන්නට විතර ය.පොඩ්ඩක් කඩ්ඩ දැනගත්තම ඇති ය. 
                             තවත් වාර කිහිපයක් යන විට අපි සෙක්ෂන් එකම නෙට්වර්ක් කළෙමු,ඒ කලේ මෙසේ ය,එහා පන්තියේ කීප දෙනෙක් ෆෝන් වල බ්ලුටුත් on කරගෙන සිටින්නේ ය.මමත් බ්ලුතුත් on කරන ඉන්නේ ය.මම දන්නේ නැති එකක් තියෙනවා නම් එයින් එකෙක්ට sms එකක් දාන්නේ ය,u දන්නවානම් mcq පේපරේ ෆොටෝ එකක් ගසා මට බ්ලුටුත් කරන්නේ ය.අපේ පන්තියේ හෝ ඊට එහා පන්තියේ එකෙක් උත්තරයක් ඇහුවොත් අර පෙපරේම උටත් බ්ලුටුත් කරන්නේ ය,මේ ආකාරයට බ්‍රයිට් කේස් වල පේපර් හතර පහක් වටේ යන්නේ ය.

    කොහොම හරි තවත් වාරයක් යන විට අදාළ එකාට කෝල් කරලම උත්තර අහගන්න තත්වෙට අපේ උන් අධි තාක්ෂණිකව දියුණු වුයේය.

ප.ලි.- මෙව්වා කලේ හුදෙක් විනෝදයට ය.වාර විබාග ඔක්කොම වගේ ලිව්වේ ෆන් එකට ය,සිරියස්ලි ලිව්වේ ක්ලාස් වල පේපර්ස් විතර ය.ෆන් නොදන්නා,තාක්ෂණික දැනුම අඩු,ඉන්ටනෙට් කිව්වම වැල විතරක්ම කියල හිතන් ඉන්න අය මේවා නොකියෙව්වාට කමක් නැත,කොපි කිරීම කලාවකි,
ප.ප.ලි- මේක බලන නංගිලා,මල්ලිලා කොපි කිරීමේ මෙවන් ක්‍රම ඇත හදා බැලීමට නොයන්නේ නම් හොද ය.මොකද ෆෝන් මාට්ටු වී ඒවායේ ඇති දේවල් නිසා බෙල්ලේ වැල දාගෙන මැරුනොත් මට වග කියන්න බැරි නිසා ය,පුලුවන්නම් කොපි නොකරම ඉදපල්ලා ය.මොකෝ කොපි කරලා පිනාලා ටිචලා සර්ලා බැන්නා කියා ඒ කට්ටියව දන ගස්සන්න වීම මාධ්‍ය හරහා විකාශනය වීම හෝ උබලා බෙල්ලේ වැල දාගෙන මළොත් ඒකට මට වග කියන්න බැරි නිසාත් ය. මං හෙන අහිංසක ය, 

විබාගෙට ඇත්තේ මාසයක් ය.මා මේ කතා කරන්නෙ උපේ කියන විබාගය ගැනය.එය ගැන කියලා වැඩක් නැත.ලියා ම බලන්න ඕනෑ ය.මහ එපා කරපු විබාගයකි.ලස්සනම අවුරුදු දෙකහමාර විනාස කළ යුත්තේ මෙයට ය.අනේ මංදා ය.මට නිකං හොල්මන් වගේ ය.එය විබාගය ළං වද්දී වන්නක් විය යුතුය.බයක්නම් නැත.බය වන්නේ විෂය දන්නා උන් ය.විෂය නොදන්නා අප වන් උතුමන් කවරකට බය වම් ද?
   මාද වසර දෙකහමාරකට පමණ පෙර බ්‍රයිටෙක් වී සිටියේ ය.ඒ සුන්දර අතීතය අදටද මතක ය.දැන්නම් බයිටෙක්ම වෙලා ය.හරි කුජීත ය.ඒ සුන්දර දවස් වල අවසාන කාලයේ කොහේදෝ යන ගස්ලබ්බෙක් මට facebook ගැන කීවේ ය..විනාසය ආරම්බ වන්නේ එතැන් සිට ය.උට පාට පාටින් බඩ ගියත් මදි ය.මට ඌ මොකාදැයි මතක නැත.ඒ මගේ වාසනාවටද උගෙ කරුමෙටදැයි නොදනිමි.අපේ අසරණ අහිංසක කාලය නිසා මාක් සකර්බර්ග් හිපාටුවා කෝටිපතියෙකු විය.අප දුප්පත් වී ඇත..
  කෙහෙම්මල් බුකියට ලොග් වීමට මා දැමූ එයාටෙල් කාඩ් වල ගාන එකතු කර ඒ ගානට රුපියලේ කොටස් සත දහයක ගත්තේ නම් මම අද බහුජාතික දේශද්‍රෝහී සමාගමක කොටස් හිමියෙක් ය.මෙව්වා අපේ අහිංසක හීන ය.
  උපෙ පටන් ගන්නා කාලයේ සිටම මම හොදින් විබාගය ලියනවා යැයි සිතා උන්නේ ය.දැන් උවද හොදින් ලියන්නට ඔක්කොම සූදානම් ය.විබාග දෙපාර්තමේන්තුවෙන් ඕනෑ තරම් කොළ දෙන්නේ ය.ලිවීමට අවශ්‍ය පෑන් ද මා සතුව ඇත.එකම අඩුපාඩුව ලිවිමට කිසිවක් මතකයේ නොවීම ය.
  කියන්නට ඕනෑ ය.මේ දවස් වල මට හොදින් නින්ද යන්නේ ය වෙනදාටද වඩා හොදින් නින්ද යන්නේ ය.ඒ අස්සේ එක එක පජාත හීන පේන්නේ ය.දවසක් මා උපෙ හීනෙන්ම ඔන්ලයින් ලියා ඇත.එදානම් පට්ට ය.පේපරේ විභාග අංකයක් අසා තිබුණේ නැත.අසා තිබුණේ ෆේස්බුක් යූසර් අයිඩී එකය.සිං සිං ගා එය ලියවුනේ ය.අල්ලපු වැටේ එකාව චැට් එකට අල්ලාගෙන යන්‍තම් උත්තර දෙක තුනක් ලිවේ ය.mcq වල බලන්න දෙයක් නැත.කොටු කොලේ ඔහේ ටික් දාගෙන ගියේ ය.හරියට newsfeed එකේ උඩ ඉදන් ලයික් දාගෙන එනවා වගේ ය....ව්‍යුහගත පේපරේ ගෙන බයිලයක් ලීවේ ය.නිකම් ඉස්ටේටස්සු දානවා වගේ ය.පට්ට ආතල් ය.ලිව්වෙ මොකක්ද කියා මටද මතක නැත...රචනා පේපරේ පිටිපස්සේ එකාගෙන් ශෙයා වි ය.කරුමෙට ststus via කෑල්ල සාලාදිපතියා දැක්කේ ය.ඌ මට පෝක් කලේ ය.මාද පෝක් බැක් කලේ ය..ඌ මාව බ්ලොක් කර විබාග සාලාවෙන් දොට්ට දැමීය.අපේ පන්තියේ ගොට්ටෝ ඊට ලයික් කළහ.එවේලේ මා හිතේ දුකට ලොගවුට් විමට උත්සහ කලේ ය.එවිට මොකක්දෝ සද්දයක් ඇසුණේ ය.මා ක්ලාස් එකේ ය.මම හීනයක් දැකලා ය.සර් සංගෘහිත සර්කිට් උගන්නන්නේ ය.මට මේ දවස් වල ඔහොම හීන පේන්නේ ය.
  බුකිය ගැන ලියා පලක් නැත.මා දැන් යමි.එකෙක් දැන් මෙසේජ් කලේ ය.මට ෆොටෝ එකක් ඌ ටැග් කරලා ය.ලයික් හිඟා කන්නේ ය.බුකිගත වීමට මා යන්නේ ය.මෙවර උපෙ ලියන උබලා හැමෝටම සුභ විබාග සෙසන් එකක් වේවා.!මං වගෙ නැතුව හොඳට ලියපල්ලා.>>>>>අපි කැපුණා @#$&-==())@*&%$#

මේ බ්ලොගේ පටන් අරන් කාලයක් උනාට අප්ඩේට් කරන්න හම්බ උනෙ නෑ.නිකම් ආසාවට වගෙ බ්ලොගර් පැත්තෙ වටයක් ගහල අනිත් බ්ලොගේ බලද්දි මේක මතක් උනේ.හිතපල්ලකො උසස් පෙල කරන එකෙක්ගෙ කල්පනාව.ලොල්.දාන්න වටිනා දේවල් බර ගානක් එකසිය ගානට සැට් උනාට කවදාවත් නොකරපු දෙයක් කරල බලන්ට හිතුනා ඒ කවි සැට් එකක් ලියන්න.sarcastic ද මොකද්ද කියල ඕලෙවල් ලිට් වලට ඉගෙනගත්තු ගනේ මෙව්ව එකක් ටයිප් කොලා.බලල ඉතින් අඩුපාඩු කියන්න.මොකෝ පලවෙනි කවි සැට් එකනෙ :D
~~~~~~~~~~~~~
138ක් ආවා කට  කපලා,
නැග්ගා ඕන මගුලක් වේවා කියලා,
කොන්දගෙ සද්දෙ ටික ටික වැඩි වෙන හන්දා,
නැග්ගා උඩට පුට්බෝඩ් එක අත ඇරලා,
~~~~~~~~~~~~~
බස් එක ෆුල් නිකම් සාඩින් ටින් ගානයි,
කොන්දගෙ කටහඩ නිකම් මී පැනි දානව වාගෙයි,
මල්ලී ඉස්සරහට යන්ටකො කොන්දා හඩලයි,
මැද පේළියෙන් ඉස්සරහට ගියෙ උගෙ වදෙ හන්දයි,
~~~~~~~~~~~~~~
ආවට පාඩු නෑනෙ බොල ඉස්සරහට,
ඔෆිස් කෑලි,ටියුෂන් කෑලි ඇත ඉස්සරහ එමට,
මැද පේලියෙ පොල්ලේ එල්ලී සිටි මෙමට,
ඉස්සරහ උන්නේ පොෂ් අක්කෙකි යසට,
~~~~~~~~~~~~~~
බස් එක යන විට ගොර හඩ දී තාලෙන්,
කේන්ද්‍රාපසාරී බල ඇති වෙද්දෙන්,
මූන නොදැක්කත් අක්කගෙ පිටිපස්සෙන්,
කියතෑකි මේකි නම් සුපිරිම පොෂ් අක්කෙක්,
~~~~~~~~~~~~~~
ගත්තා වංගුවක් බස් එක කරකාලා,
විසි වී ගිහින් වැදුනා අක්කගේ ඇගේ සට ගාලා,
ජැකී චෑන් වීමට සිදු විය වැරදීලා,
රවලා බලපි අක්ක හපොයි කැරකීලා,
~~~~~~~~~~~~~~
දැක්කේ එවිට පොෂ් අක්කගෙ මූණ,
තිබ්බත් කොණ්ඩය ඇගෙ ස්ට්‍රේට් කර ,
ටයිඩ් ඩෙනිම ගහලා හිටියත් ඈ බඩ්ඩ ලෙස,
ඇගෙ දත් ඇන්ද සුපිරියි පොල් ගාන්නට.
~~~~~~~~~~~~~~
***සත්‍ය සිදුවීමක් නොවන බව සලකන්න.හුදෙක් විනෝදයට ගෙතූවකි,

ඔන්න ඉතින් දවස දෙක තුනකට පස්සේ බ්ලොගියට පොඉස්ටුවක් දාන්න තරම් වටිනා දෙයක් හම්බ උනා.දන්නවනේ අපි ඉතින් මේ කෙහෙම්මල් උපෙයක් නිසා අතරමං වෙලා කුජිත වෙලා ඉන්නවා කියල.මොනවා කරන්නද?සංසාර කරුමෙනේ.ඉතින් මේ යන්නේ උපේ ගැන කියන්න නම් නෙමේ.
අපිට මේ සතියේ කෙමිස්ට්‍රි රිවිසෝන් වල තිබ්බේ කලාප සමතුලිතතාවය.ඕක තාම තියරි ක්ලාස් එකේවත් කලේ නැති කොට රිවිසෝන් එකේ කලාම හිතාගන්න පුළුවන්නේ,අප්පේ එදා නිදමත කට කපල එකයි.කලින් දවසේ නිදා ගන්නකොටත් 1 පැනල.ඉතින් මොනවා කරන්නද.මැයි තව එකෙකුයි එක්කහු වෙලා කම්මැලි කම යන්නත් එක්ක පොඩි ව්‍යාපෘතියක් කළා.හැබැයි හොරෙන්.ඕක අපේ අනිත් උන්ට පෙන්නුවම හොද ප්‍රතිචාර ආපු නිසා බ්ලොගියට දාන්න කල්පනා කළා,මොකක්ද දන්නවද අපි කලේ.ඔය ටොපියේ තියෙන්නේ.අන්න එක තමා.හින්දි සින්දු වලට සිංහල තේරුම් දෙන එක.අපේ රත්ගමයා කොලුවත් ඉංගිරිසි පිලුම් වලට සිංහල වර්සෝන් එකක් හදල තිබ්බනේ.නාඩියා නාඩිරත්න කොලුවත් ඉංගිරිසි සින්දු වලට සිංහල නම් අබිසේක කොරල තිබ්බනේ පහුගිය ටිකේ.මේක අපේ 2013 උපේ වර්සෝන් එක.බ්ලොගියට දාන්න පුළුවන් එව්වා විතරය් දැම්මේ.18+  21- ඒවා දාන්න ගියේ නැ ඔන්.මනුස්සයෙක්ට කටක් ඇරලා කියවන්න පුළුවන් එව්වා ටික විතරක් දැම්ම
1)Doorian Hay Zaroori - දුරියන් හරි සරයි,හැබැයි ගදයි
2)Thumhi ho bandhu satha thumi- `තුමිද බන්ධු ද සතා?තුමී
3)Dil tho pagal hai-දිල්,තෝ මොන රෙඅද්දකටද ගල පගුවේ?
4)Diwana hai Deko-දිවාන්ගේ දෙක
5)Ek Ladki ko Dekatho asa laga-එක ලඩ්ඩුවක්ද දෙකක්ද ලග තියා ගන්න හොද?
6)Lal Du patta-අඩෝ,ලාල් මන තෝව පට්ට ගහනවා
7)Neela Nila Ambar- නිල් නිල්  අඹ
8)Hawa main udithi Jaye-හවස එන්න කිව්වම උදේ ආවේ ඇයි ජයේ?
9)Ladki badi anjanee hai-අන්ජානි සමග ලඩ්ඩුවක් කා බඩි බිම බෝතලයක් බිවෙමි
10)Andeka anjanesa-අන්ජානා,අන්න දෙක
11)Behti Hawa Sa Tha Woh-බේහෙත් දුන්නේ හවස තවන්න
12)Dil laga na- දිල් ලග නෑලු
13)Dilbara-දිල්ට බරයි ලු
14)Haare Haare Haare-හරේ,යාන්
15)Halla Re- රෑ හැලුණා
16)Jai Ho- දිනපු උන්ට හු කියමු
17)Kabhi alvida naa kehna-කබ අල්ලන්නතුව කහපන්
18)Sun Sara - ඉරේ සැර
19)Thaa raa rum pum-රා ද හොද? රම් ද හොද?
20)Mere Baap pehle aap-මගේ බාප්පා ආප්පයක් වගේ
                                                           
ඔන්න ඉතින් දාන්න පුළුවන් සින්දු ටිකක් දැම්ම,හොදනම් කොමෙන්ටුවක් දාල යන්න.අඩුපාඩු ඇත්නම් කරුණාවෙන් පහදන්න.තව Time Pass කරන්න වෙලාවක් හම්බ උනොත් මේ වගේ ජින්ජිබිරිස් එකක් දාන්නම්,අපි ගියා :)
ප.ලි:උබල හිතුවේ මෙව්වා ලියල මම නෝට් එක ලියාගත්තේ නෑ කියලද?නෝට් එකත් කොහොම හරි ලියගත්තෝ:ඩි